Қазақстан Республикасы Президенті Іс басқармасының ведомстволық мекемелері қызметкерлері арасындағы дәстүрлі Спартакиада аясында шахматтан жарыстар өтті. Еркинбек Багзый ең нәтижелі ойыншы ретінде танылып, «Турнирдің үздік ойыншысы» атағына ие болды. Ол 9 партияның бірде-біреуінде жеңілмей, тамаша нәтиже көрсетті. Жеңімпазды құттықтаймыз!
Жарысқа әр мекемеден екі адамнан құралған 14 команда қатысты. Қызықты да шиеленісті интеллектуалдық күрестің нәтижесінде бас жүлдені Инженерлік-техникалық орталықтың командасы жеңіп алды. Еркинбек Багзый өнер көрсеткен Материалдық-техникалық қамтамасыз ету басқармасының командасы құрметті үшінші орынды иеленді.
