МТҚБ әкімшілік ғимараттар дирекциясының құрылысшылары кәсіби мереке – Құрылысшылар күніне орай марапатқа ие болды.
Салтанатты іс-шарада жөндеу-құрылыс қызметінің, өндірістік-техниқалық бөлім мен қызметтік тұрғын үйді пайдалану қызметінінің жұмыскерлері кәсіпорын басшысының алғыс хатымен марапатталды. Сондай-ақ, Индустрия және инфрақұрылымдық даму министрінің Құрмет грамотасымен көпжылдық еңбегі үшін Татьяна Владимировна Макарцева марапатталды.
ӘҒД-ның ең тәжірибелі және еңбек сіңірген жұмыскерлерінің бірі слесір Аманжол Үсеновтың жұмысын директордың орынбасары ерекше атап өтті.
Аманжол Жамболатұлы ПІБ жүйесінде ширек ғасырдан астам уақыт жұмыс істеп келеді, тәжірибелі маман және жастардың тәлімгері. Ол МТҚБ ӘҒД-да 18 жыл бойы беріліп жұмыс істейді.
- 1997 жылдың желтоқсанында мен ӘҒД-на жүк тасушы болып жұмысқа тұрдым, ал алты айдан кейін слесір болып жұмыс істей бастадым. Бұл мемлекеттік органдардың елордаға көшу уақыты болатын. Бастық: «Жігіттер, кім не істей алады?» - деп сұраған кезде, мен барлық қолдың шеберімін дейтінмін. Құлыптар орнаттым, жөндедім, кілттер жасадым, содан бері есіктердің түрін көрдім, - деп күледі еңбек ардагері. - Парламенттің ӘҒД-на 2005 жылы 4 ақпанда слесір болып келдім. Қазіргі уақытта ағаш ұстасы болып жұмыс істеймін...
Аманжол Жамболатұлы алтын қолымен, жарқын басымен ұжымда сыйлы. Ол сирек маман, ағашпен, металлмен жұмыс істеуде оған тең келер ешкім жоқ, өзі қарапайым, ақжарқын адам. Ол өзін жауапты және саналы қызметкер ретінде көрсетті, өз жұмысын жақсы көреді, барлық тапсырмаларды сапалы және уақытында орындайды.
- Өгіздей саумын! Мен қажет болғанша жұмыс істеймін. Мен не туралы армандаймын? Менің жақындарым денсаулық пен амандықта өмір сүрсін. Мен өзім ештеңеге мұқтаж емеспін, Алла Тағала ренжіткен жоқ! дейді шебер.
Аманжол Үсенов Сенат және Мәжіліс аппараттары басшыларынан, МТҚБ және ӘҒД басшылығының көптеген марапаттарына ие болды. Әріптестері мен оқушылары оны құрылысшылар күнімен құттықтау үшін жыл сайын келіп тұрады.
