Биыл Наурыз мерекесі конкурстық түрде өтті. Кәсіпорын қызметкерлері 4 командаға бөлінді, олардың әрқайсысы бір елдің мәдениетін ұсынды: Татарстан, Түркия, Әзірбайжан және Өзбекстан. Әр команда бірегей дәстүрлерді, музыканы, билерді және ұлттық костюмдерді көрсететін шығармашылық нөмір дайындады.
Сонымен қатар, мерекеге қатысушылар мен қонақтар үшін осы елдердің ұлттық тағамдары ұсынылды, бұл қатысушылардың барлығына әртүрлі мәдениеттердің дәмін татуға мүмкіндік берді.
Командалардың өнерін бағалау үшін қазылар алқасы шақырылды, оларға жеңімпаздар тандау қиынға соқты, өйткені әр команда өзін жоғары деңгейде көрсетті. Кәсіпорын қызметкерлері ұлттық мәдениеттің түрлі шығармашылық элементтерін қамтитын бай және қызықты бағдарлама ұйымдастырды.
Байқау қорытындысы бойынша үшінші орын Татарстан мен Өзбекстан командалары арасында бөлінді. Екінші орын Түркияға бұйырса, ал бірінші орынды Әзірбайжан мәдениетін ұсынған команда алды.
Мереке барлық қатысушылар мен көрермендерге жарқын әсер мен қуанышты естеліктер қалдырып, жоғары деңгейде өтті.
