Ағымдағы жылдың 16 мамырында «Материалдық-техникалық қамтамасыз ету басқармасының әкімшілік ғимараттары дирекциясы» ШЖҚ РМК қызметкерлері «Таза Қазақстан» республикалық экологиялық акциясына қатысты.
Іс-шара аясында Кәсіпорынның 38 қызметкері «Западный» саяжай қоғамының аумағында сенбілік жұмыстарына шықты. Акцияның негізгі мақсаты - аумақты абаттандыру, тазалықты сақтау және қоршаған ортаға ұқыпты қарауды қалыптастыру.
Сенбілік барысында қатысушылар аумақты тазалау, қоқыс жинау және шығару, сондай-ақ аумақты ретке келтіру жұмыстарын жүргізді. Акция қорытындысы бойынша 80-нен астам қап қоқыс жиналды.
Экологиялық іс-шараларға қатысу экологиялық мәдениетті арттыруға, қоршаған ортаның жай-күйіне жауапкершілікті нығайтуға және қала тұрғындары үшін қолайлы жағдай жасауға ықпал етеді.
