6 маусым күні «Таза Қазақстан» республикалық экологиялық акциясы аясында «МТҚБ ӘҒД» ШЖҚ РМК қызметкерлері «Солтүстік» қар полигоны аумағында санитарлық тазалық жұмыстарын жүргізді.
Сенбілікке Кәсіпорынның 40 қызметкері қатысты. Іс-шара барысында аумақ қоқыстан тазартылып, 40-тан астам қап қоқыс жиналып, шығаруға дайындалды.
Акцияның негізгі мақсаты - аумақтардың санитарлық жағдайын сақтау, азаматтардың экологиялық жауапкершілігін арттыру және қолайлы қоршаған ортаны қалыптастыру.
Кәсіпорын ұжымының осындай іс-шараларға қатысуы табиғатқа ұқыпты қарау мәдениетін қалыптастыруға, қоршаған ортаның тазалығын сақтауға және экологиялық бастамаларды қолдауға бағытталған маңызды жұмыстардың бірі болып табылады.
