Жаңа оқу жылы қарсаңында биыл бірінші сыныпқа баратын Кәсіпорын жұмыскерлерінің балаларына арналған дәстүрлі мерекелік іс-шара өтті.
Кәсіпорын директоры А.А. Конкаевтың бастамасымен 26 болашақ бірінші сынып оқушысы «Бәйтерек» монументіне барды.
Экскурсия барысында балалар Астананың басты сәулет нышандарының бірімен танысып, елорданың панорамалық көрінісін тамашалады.
Кездесу соңында әр балаға қажетті мектеп оқу құралдары салынған рюкзак табысталды. Сыйлықтар болашақ бірінші сынып оқушылары үшін алғашқы оқу жылы қарсаңындағы жағымды ақжолтай тілек болды.
Болашақ бірінші сынып оқушыларына арналған жыл сайынғы іс-шара Кәсіпорынның игі дәстүріне айналды. Ол жұмыскерлердің отбасыларын қолдауға және балаларға мектеп өмірін бастау қарсаңында ерекше көңіл-күй сыйлауға бағытталған.
Болашақ бірінші сынып оқушыларына оқуда сәттілік, жаңа білім, қызықты жаңалықтар мен жақсы достар тілейміз!
