Бүгін Кәсіпорынның 104 қызметкері тазалық пен тәртіпті сақтау және аумақты абаттандыруға бағытталған жалпы қалалық сенбілікке қатысты.
Іс-шара барысында ауқымды жұмыстар атқарылды. Жасыл желектерді күтіп ұстауға және іргелес аумақты абаттандыруға ерекше көңіл бөлінді. Атап айтқанда, 50-ден астам ағаш діңі және 100 метрден астам жиек тас әктеліп, көгалдар мен кіреберіс топтары ретке келтірілді. Сонымен қатар қоршаулар, парапеттер мен гранит қасбеттер жуылып, қоқыс жиналды, люктер сырланды және аумақты санитарлық күтіп-ұстау бойынша басқа да қажетті жұмыстар жүргізілді.
Сенбілік жұмыс барысында ұйымдасқан түрде өтті. Кәсіпорын қызметкерлерінің жалпы қалалық іс-шараға қатысуы қала аумағында тәртіпті сақтау мен абаттандыруға қосқан үлесі болды.
