28-30 қыркүйек аралығында Кәсіпорынның құрылымдық бөлімшелерінің басшылары қақтығыстарды басқару және басшының корпоративтік этикасы мәселелеріне арналған оқу курсына қатысты.
Оқыту барысында қатысушылар қақтығысты жағдайлардың алдын алу және оларды шешудің негізгі тәсілдерін, іскерлік коммуникацияның тиімді әдістерін және корпоративтік этика қағидаттарын зерделеді. Курстың практикалық бөлігінде алынған білімді жұмыс барысында қолдану мәселелеріне назар аударылды.
Оқу қорытындысы бойынша қатысушыларға сертификаттар табысталды. Курс кәсіби білімді кеңейтіп, ұжымдағы тиімді өзара іс-қимылға қажетті дағдыларды жетілдіруге мүмкіндік берді.
